Google ADS

Barça i shmanget befasisë ndaj Leganes, fiton me përmbysje

14:51 | 23 Nëntor 2019
Arbresh Info

Barcelona ka arritur t’i shmanget befasisë pasditen e sotme (e shtunë) në përballjen kundër skuadrës në fund të tabelës.

Gjiganti katalunas shkoi në pushime me një disavantazh prej 0 me 1 në takimin e zhvilluar kundër Leganes në kuadër të xhiros së 14-të në La Liga, shkruan portali arbresh.info.

Sidoqoftë, Luis Suarez dhe Arutro Vidal arritën të përmbysin gjithçka në stadiumin Municipal de Buatarque me dy golat e shënuara në pjesën e dytë.

Suarez dërgoi topin në rrjetë pas një asistimi të bukur nga Messi nga gjuajtja e lirën (53′), ndërsa Vidal shënoi në minutën e 80′ pas një rivënie këndore.

Goli më i bukur i ndeshjes ishte i nikoqirëve nga Youssef En-Nesyri që me një super goditje mposhti portierin Ter Stegen.

Barcelona tani ka 28 pikë në krye të tabelës – tri më shumë se Real Madridi me një ndeshje më pak, ndërsa Leganes vazhdon qëndrimin në fund të tabelës me vetëm gjashtë pikë të grumbulluara deri tani./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm